35° C غائم جزئي
35° C غائم جزئي

#خليك_واعي #خليك_في_البيت    |    إحصاءات فايروس كورونا عالميا    |         مجموع الحالات: 227,113,468 حالة          عدد حالات الوفاه: 4,671,514 حالة تعرف علي المزيد

#خليك_واعي #خليك_في_البيت | إحصاءات كورونا
الحالات: 227,113,468 حالة حالات الوفاه: 4,671,514 حالة
تعرف علي المزيد

سجون وعدالة.. بقلم بابكر سلك

0 27

اشترك في نشرة موجز نت المجانية واحصل على تنبيه بآخر الاخبار مباشرة على جهازك ، اشترك الآن.

سجون وعدالة.. بقلم بابكر سلك

السودان اليوم:
بسم الله الرحمن الرحيم
*الافراج عن نزلاء السجون لدواع صحية بسبب الكورونا
*قرار وجد الاستحسان وبعض الاستهجان
*فاذا قبلنا منطقا باستثناء اصحاب احكام الإعدام وناس يبقي لحين السداد والحاجات المتعلقة بالحق الخاص
*تجدنا نرفض وبرضو منطقا الافراج عن من اجرم في حق الاطفال واعتدي عليهم ايا كان شكل الاعتداء الذي وقع الحكم بسببه
*ولكن
*اعداد كبيرة تم الافراج عنها من سجن الهدي
*بعضهم قد يكون محكوما بعشرة وخمسطاشر وعشرين سنة
*مما يدل علي خطورة الجرم
*ماقلنا شى
*لكن عدم استفادة سجناء سوبا من ذلك القرار مافيهو اي منطق
*ومعظمهم اصحاب احكام بسيطة تبقي لبعضهم منها شهر او بعض شهر او شهيرات
*مافي اي عدالة في تطبيق قرار الافراج بين نزلاء الهدي ونزلاء سوبا
*ومافي منطق ولا مبرر ولا سبب معقول
*ولكنا لن نذهب لما ذهب اليه البعض من تفسير لذلك حيث يرون ان الجهوية قد تكون السبب ان لم تكن القبلية المقيتة
*لاننا في عهد الثورة لا نؤمن بكل تلك المسميات والانتماءات
*نعرف انتماءا واحدا اسمه السودان
*بالمناسبة دي
*قالوا واحد سأل الزعيم شاخور
*قال ليهو جنسك شنو؟
*شاخور قال ليهو انا سوداني انصاري اسكن ودنوباوي مريخابي
*تاني الفضل لي من الجنة شنو؟؟؟؟
*ايها الناس
*دخل نزلاء سوبا في اضراب بسبب احساسهم بعدم العدالة في عهد الحرية والسلام والعدالة
*وعلي ادارة السجون مراجعة ذلك ورفعه للجهات المعنية
*لانو الجهات المامعنية مابتقبل بكده
*ناهيك من الجهات المعنية
*المهم
*ماداير اقول الثورة اتسرقت
*لان حق الشباب الصنع الثورة ماهامل لدرجة ينسرق جراء اهمال الجهات المعنية او جراء مواقفها السلبية او مواقفها التي تنم عن تفويت اشياء ماكان يجب ان تفوت
*كثير من التعيينات فيها استفزاز لارواح شهداء ثورة الشباب
*لانو ماممكن تجيب اعداء الثورة ليقودوا دولاب العمل في عهد الثورة لمجرد انكارهم لانتماءاتهم او تبريراتهم لمواقفهم حتي الرمق الاخير من عمر الانقاذ
*شخصيا احترم جدا الناس الما اتنصلت من انتمائها القبل الثورة
*والناس المانكرت مواقفها حتي اليوم الاخير من عمر العهد البائد
*وبالتالي احتقر ماهم غير ذلك
*احتقرهم جدا
*ايها الناس
*عجز حكومتنا عن الامساك بتلابيب السوق والاسعار فيما يختص بالسلع الأساسية المنتجة محليا
*يعتبر فشلا عظيما لايشبه روح الثوار
*التخبط في اصدار القرارات والعودة عنها واصدار غيرها
*يعطينا فهم انو القصة مامدروسة
*ويجعلنا نسأل
*هل عبارة حكومة كفاءات كانت مجرد شعار يزين جيد شوارع الثورة
*ام كانت مطلبا ثوريا ملحا وهدفا مقصود؟؟؟
*وهل يقود الرياضة بولاية الخرطوم رجل ثوري صحيفته خالية من الانتماء الوظيفي للحزب الواحد ذلك المقتول؟؟ام هو منسوب كبير جدا وعلما في ذلك الحزب وذلك العهد؟؟؟
*اذا كانت اجابة الشق الثاني من السؤال بالايجاب
*يبقي تفكيك من رشحه ومن عينه ومن قبل به
*اهم من تفكيك التمكين زاتو
*ايها الناس
*تعالوا نقيم اداء حكومة الثورة
*حكومتنا
*سمحة كعبه حكومتنا
*لاننا اهل الثورة من قولة تيت
*تعالوا نقيمها ونكلمها في اضانها
*ادائك ياحكومتنا زي كورتنا
*ايقاع بطيييييئ
*ومابنعرف للهجمة المرتدة
*بالطريقة دي ممكن نصرجها في شبكتنا
*فاخوتنا ببعض الوزارات لعبهم زي لعب عمار الدمازين
*والله حكومتنا بتشبه كورتنا
*اسي حكومتنا موش فيها حمدوك و البوشي
*في كورتنا برضك في بس العجب وسيدا
*والباقي ناس الزومة وبويا ساااااكت
*يبقي ياحمدوك ياسيدا
*غير المنتخب واستعن بالله ومن بعده بالشباب الذي صنع الثورة ومنحك المحبة
*وخلينا من البعينو سااااكت ديل
*المهم
*ناس كورونا كان جونا او ماجونا
*كان كتلونا او ماكتلونا
*ماخايفين
*لانو اليوم الكنا خايفين مانحضروا حضرناهوا
*حداشر ابريل ٢٠١٩
*بعد كدة ان شاء الله القيامة تقوم
*قال شنو؟
*الداير ديمقراطية يمشي يعملها في الشارع
*قلنا ليهم تطلع الديمقراطية من نادي المريخ للشارع
*ضحكوا
*ومن يوم حداشر ابريل اصبحوا يضحكون بالجزء الثاني من افواههم المفتوحة من فرط الدهشة
*تضحك؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف ياوالينا
*مابنقنع اصلو
*لكن بنصلح لمن يبقي الحال زي الحال الرسموهوا الشهداء في الخيال
سلك كهربا
ننساك كيف والكلب قال خطاب الاتحاد جاكم ولا لسسسسسسسة؟
الوزير عين ولا عينو ماتشوف الا النووووور
والي لقاء
سلك

سجون وعدالة.. بقلم بابكر سلك

المصدر السودان اليوم

اترك رد

لن يتم نشر عنوان بريدك الإلكتروني.

حمل تطبيق موجز و دع الاخبار تصل اليك

حمل التطبيق الان

حمل تطبيق موجز و دع الاخبار تصل اليك حمل التطبيق الان