38° C سماء صافية
38° C سماء صافية

#خليك_واعي #خليك_في_البيت    |    إحصاءات فايروس كورونا عالميا    |         مجموع الحالات: 155,338,408 حالة          عدد حالات الوفاه: 3,245,153 حالة تعرف علي المزيد

#خليك_واعي #خليك_في_البيت | إحصاءات كورونا
الحالات: 155,338,408 حالة حالات الوفاه: 3,245,153 حالة
تعرف علي المزيد

أمريكا طلعت دفار غاز ساااي.. بقلم بابكر سلك

0 21

اشترك في نشرة موجز نت المجانية واحصل على تنبيه بآخر الاخبار مباشرة على جهازك ، اشترك الآن.

أمريكا طلعت دفار غاز ساااي.. بقلم بابكر سلك

السودان اليوم:
* الصفوف أمام مراكز بيع الغاز تشكل إرتفاعاً ملحوظاً.
*شأنها شأن الدولار.
*يقولوا ليك قالوا الغاز الليلة بجي.
*تبدأ الصفوف مع الركعة الأولى من الرقيبة.
*وفي مراكز أخرى قبل الوضوء ذاتو.
*وفي بعض المراكز بدون وضوء.
*تجي ستة تلقى روحك نمرة تلتمية وحتة.
*ولكن الأمل لايموت.
*قالوا الغاز جاي.
*وبعد مقيلة اليوم كلو.
*وفي تمام الخامسة والنصف.
*يدخل اليأس النفوس.

*وتبدأ بعض الأنابيب في الدردقة خارج الصف.

*ويبدأ السب والتف.

*وفجأة .

*نسمع ضجيجاً.

*وأصواتاً تتعالى.

*وغبار يغطي الأنابيب وأسيادها ومركز توزيع الغاز.

*الدفار جا.

*يابتاع التوسان أرجع لينا ورا خلي الدفار يخش.

*كل الصف مع بعض.

*يابتاع التوسان ماتطلع ياخ.

*في زول بقيف في حتة زي دي.

*ويشموا ليك بتاع التوسان.

*بتاع التوسان ذاتو يشم ليك التوسان.

*دفار شايل أربعمية أنبوبة.

*جامبو ياعمك.

*كل الناس ضمنت أنابيبها مليانة.

*وفجأة.

*واحد بتاع شمارات يسأل السواق.

*جبتوا كم؟.

*السواق يرد.

*تلتين أنبوبة.

*صاحبنا يبحلق في السواق.

*ويخاطبه بلغة العيون.

*تلتين؟.

*تلتين لييه؟.

*وأنا؟.

*أنا نمرة تلتمية وتلتين.

*ما أشيل يعني؟.

*ما أشيل كيف وقاعد من ستة صباحاً؟.

*أسي الأبنصات دي كلها في تلتين أنبوبة؟.

*الغبار الكندكنا ده في تلتين انبوبة؟.

*يابتاع التوسان أطلع.

*التوسان يطلع لي تلتين أنبوبة؟.

*الجخ ده كلو في تلتين أنبوبة؟.

*أيها الناس

*دفار الغاز خذل الناس.

*أها

*دفار الغاز ده بذكرني أمريكا.

*مع أول كرونة أتضح أنها جايبة تلتين أنبوبة بس.

*كمامات مافيها.

*هبشة الكمامات.

*وضحت أنو جخ أمريكا طلع ديون فيفا سااااااي.

*اللهم

*استرنا من الكورونا.

*ومن كضب المكرونة.

*وأجعل بلدنا خالية من الديون.

*ونادينا خالياً من العيون.

*وما تفرتق ديمقراطيتنا ولا يحزنون.

*أيها الناس.

*إذا أقرب الأقربين ماسمع ببيع كاس السد إلا بعد المؤتمر الصحفي زي حلاتنا.

*يبقى كلامنا صاح.

*ذلك العهد كان يفتقر للشفافية.

*لكن هل الأمر ممكن يصل لدرجة أعضاء في مجلس بيع كأس السد يكونوا زي حلاتنا ماسمعوا بالبيع إلا بعد المؤتمر الصحفي؟.

*أنا غايتو مابصدق يكون في أعضاء مجلس مجرد استشارة ما استشاروهم.

*ده ماببقى عدم شفافية.

*ده ببقى أي مسمي تاني إلا عدم شفافية.

*أيها الناس

*إن تنصروا الله ينصركم.

*أها

*نجي لي شمارات والي الخرتوم.

*للمعلومية.

*المعلوماتية شغااااله في الكورونة دي.

*بحمد الله مشينا وأنجزنا يا والينا.

سلك كهربا

ننساك كيف والكلب قال إطلاق سراح الجوة للكورونا وإدخال البرة برغم الكورونا إجراءات.

وإلى لقاء.

سلك

أمريكا طلعت دفار غاز ساااي.. بقلم بابكر سلك

المصدر السودان اليوم

اترك رد

لن يتم نشر عنوان بريدك الإلكتروني.

حمل تطبيق موجز و دع الاخبار تصل اليك

حمل التطبيق الان

حمل تطبيق موجز و دع الاخبار تصل اليك حمل التطبيق الان